Category: خبریں

پنجاب کے دریائوں میں تباہ کن سیلابی صورتحال برقرارہے،پنجاب میں سیلابی صورتحال پر چیف سیکریٹری پنجاب کی زیر صدارت ہونےوالے اجلاس میں جھنگ اور چنیوٹ کو بچانے کیلئے رواز پل کو توڑنے کا فیصلہ کرلیاگیا۔پنجاب میں سیلابی صورتحال پر چیف سیکریٹری پنجاب زاہد اختر زمان کی زیر صدارت پی ڈی ایم اے کمیٹی روم میں اہم اجلاس ہوا،صوبائی وزرائے صحت خواجہ سلمان رفیق اور خواجہ عمران نذیر نے ویڈیو لنک کے ذریعےاجلاس میں شرکت کی،ریلیف کمشنر پنجاب نبیل جاوید اور ڈی جی پی ڈی ایم اے عرفان علی کاٹھیا نےبھی اجلاس میں شرکت کی۔اجلاس میں سیلاب سے متاثرہ اضلاع میں اضافی انتظامی افسران کی تعیناتی کے فیصلے کے علاوہ متاثرہ علاقوں میں تعلیمی ادارے ایک ہفتے کیلئے بند رکھنے پر غورکیاگیا،کلینک آن وہیلز کوبھی سیلاب سے متاثرہ اضلاع میں فوری روانہ کرنے کے احکامات جاری کیے گئے ہیں،اجلاس میں ننکانہ، شیخوپورہ اور ٹوبہ ٹیک سنگھ کے دریائی بیلٹ کے علاقوں کو فوری خالی کروانے کی ہدایات جاری کردی گئیں۔ چیف سیکرٹری نے سیلاب سے نمٹنے کیلئے پی ڈی ایم اے پنجاب اور انتظامی افسران کی کوششوں کو سراہتے ہوئے کہاکہ تمام ادارے اور افسران اپنے فرائض بہترین انداز میں سر انجام دے رہے ہیں،وزیراعلی پنجاب کی ہدایات کے مطابق ریسکیو و…

وفاقی حکومت کا بجلی کی قیمتوں میں کمی لانے کا فیصلہ،فیول پرائس ایڈجسٹمنٹ کی مد میں ایک روپیہ انہتر پیسے یونٹ کمی کی درخواست دائر کر دی گئی ۔  تفصیلات کے مطابق وفاقی حکومت  نے بجلی کی قیمتوں میں کمی لانے کا فیصلہ کرلیا ،فیول پرائس ایڈجسٹمنٹ کی مد میں ایک روپیہ انہتر پیسے یونٹ کمی کی درخواست دائر کر دی گئی ۔سی پی پی اے نے ماہ جولائی کی فیول پرائس ایڈجسٹمنٹ کی بنیاد پر درخواست دائر کی، نیپرا نے 28 اگست کو سی پی پی اے کی درخواست پر سماعت مقرر کر دی۔

وفاقی وزیر داخلہ محسن نقوی سے ایرانی ہم منصب سکندر مومنی نے ٹیلیفونک رابطہ کیا، جس میں انہوں نے سیلاب کی تباہ کاریوں میں مدد کی پیشکش کی ہے۔ ایرانی وزیر داخلہ نے پاکستان خصوصاً خیبرپختونخوا و گلگت میں طوفانی بارشوں اور سیلاب سے قیمتی انسانی جانوں کے ضیاع پر دکھ اور تعزیت کا اظہار کیا ہے، انہوں نے جاں بحق افراد کے خاندانوں سے دلی ہمدردی کا اظہار کرتے ہوئے صبر جمیل کی دعا کی اور سیلاب متاثرین کی مدد کیلئے تعاون کی پیشکش کی۔ سکندر مومنی کا کہنا تھا کہ پاکستان ہمارا برادر ہمسایہ ملک ہے، آزمائش کی اس گھڑی میں ہر طرح کی مدد کیلئے تیار ہیں، پاکستان میں سیلاب کی تباہ کاریاں دیکھ کر بہت افسوس ہوا، جس میں سیکڑوں افراد اپنے پیاروں سے بچھڑ گئے، ہم پاکستان کے عوام کے ساتھ شانہ بشانہ کھڑے ہیںوفاقی وزیر داخلہ محسن نقوی نے سیلاب زدگان کیلئے مدد کی پیشکش اور اظہار یکجہتی پر ایرانی ہم منصب کا شکریہ ادا کیا۔ انہوں نے کہا کہ ایران اور پاکستان کی خوشیاں اور غم سانجھے ہیں، موسمیاتی تبدیلیاں پاکستان میں ہولناک تباہی کا پیش خیمہ بن رہی ہیں، تاریخ میں پہلی بار پاکستان اس خطرناک موسمیاتی صورتحال سے گزر رہا ہے۔…

نائب وزیراعظم اور وزیر خارجہ اسحاق ڈار سعودی عرب پہنچ گئے۔ ترجمان دفتر خارجہ کے مطابق اسحاق ڈار او آئی سی وزرائے خارجہ کی کونسل کے 21 ویں اجلاس میں شریک ہوں گے، اجلاس او آئی سی کے رکن ممالک کے وزرائے خارجہ اور اعلیٰ حکام کو اکٹھا کرے گا۔ دفتر خارجہ کا کہنا ہے کہ اجلاس میں فلسطین میں اسرائیل کی جاری فوجی جارحیت پر بات ہوگی۔ ترجمان کے مطابق غزہ پر مکمل فوجی کنٹرول کے مجوزہ منصوبوں اور فلسطینیوں کے حقوق کی مسلسل سنگین خلاف ورزیوں پر غور کیا جائے گایاد رہے کہ قبل ازیں نائب وزیراعظم اور وزیر خارجہ اسحاق ڈار نے 23 اور 24 اگست تک بنگلہ دیش کا دورہ کیا، یہ سرکاری دورہ بنگلہ دیش کی حکومت کی دعوت پر کیا گیا، کسی بھی پاکستانی وزیر خارجہ کا تقریباً 13 سال بعد بنگلہ دیش کا پہلا دورہ تھا، اسحاق ڈار نے بنگلہ دیش کے مشیر برائے امور خارجہ محمد توحید حسین سے ملاقات کی۔ ترجمان نے بتایا کہ اسحاق ڈار نے چیف ایڈوائزر بنگلہ دیش محمد یونس سے ملاقات کی، اسحاق ڈار نے مشیر تجارت شیخ بشیر الدین کے ساتھ بھی ملاقات کی، اقتصادی اور تجارت سے متعلق سینئر حکام کی موجودگی میں اسحاق ڈار…

اپر دیر میں پولیس اور سی ٹی ڈی کا مشترکہ آپریشن،فتنہ الہندوستان کے 5 دہشتگرد ہلاک، ایک شہری شہید ، ہنگو میں ایف سی قلعے پر حملے میں 3 اہلکار شہید، 17 زخمی ہو گئے  ۔      تفصیلات کے مطابق خیبرپختونخوا کے ضلع اپردیر میں پولیس نے خفیہ اطلاع پر دہشت گردوں کے خلاف مشترکہ کارروائی کی گئی  ۔ فائرنگ کے تبادلے میں 5 دہشتگرد ہلاک جبکہ 5 پولیس اہلکار زخمی اور ایک شہری شہید ہوگیا۔ ڈی پی او اپردیر کے مطابق کل سے مختلف علاقوں میں فتنہ الخوارج کے خلاف مشترکہ آپریشن رات گئے تک جاری رہا۔ آپریشن کے دوران تحصیل دیر کے علاقوں دوبندو، بریکوٹ، سلام کوٹ ہاتن درہ میں 5 دہشتگرد ہلاک ہوگئےآپریشن میں علاقے سلام کوٹ کا ایک شہری شہید جبکہ8پولیس اہلکار زخمی ہوگئے، شہید یار محمد کا نماز جنازہ رات گئے پولیس لائن میں ادا کردیا گیا پولیس حکام کے مطابق ہلاک دہشت گرد 14 اگست کی رات پناہ کوٹ دیر میں پولیس وین پر حملے میں ملوث تھے۔ حملے مین 3 پولیس اہلکار شہید اور 6 زخمی ہوئے تھے۔ پولیس کے مطابق فائرنگ کے تبادلے میں شہری شہید ہوا ، شہید شہری کی نماز جنازہ پولیس لائن دیر میں ادا کردی گئی۔ دوسری جانب…

چین کے صوبےچنھگائی میں ییلو ریور پر زیرِ تعمیر پل کا درمیانی حصہ گرنے سے 12 افراد ہلاک اور 4 لاپتاہوگئے۔ میڈیا رپورٹس کے مطابق یہ واقعہ اس وقت پیش آیا جب پل کی تعمیر کے دوران سٹیل کیبل اچانک ٹوٹ گئی جس کے باعث پل کا درمیانی حصہ ٹوٹ کر دریا میں جاگرا۔  چینی میڈیا کے مطابق حادثے کے وقت 15 مزدور اور ایک پروجیکٹ منیجر  موقع پر موجود تھے۔ ابتدائی طور پر 7 افراد کی ہلاکت کی اطلاع دی گئی تھی تاہم بعد میں ہلاکتوں کی تعداد بڑھ کر 12 ہوگئی جبکہ 4 افراد تاحال لاپتہ ہیں

کراچی میں ایم اے جناح روڈ پر پٹاخوں کے گودام کے مالک حنیف عرف پٹاخہ کو گرفتار کر لیا گیا ہے۔ پولیس حکام کا کہنا ہے کہ حنیف دھماکے میں زخمی ہو گیا تھا اور ہسپتال میں زیر علاج ہے۔ حکام کا کہنا ہے کہ گودام کے مالک حنیف کا بیان قلمبند نہیں کیا جا سکا، حنیف کا بھائی ایوب گزشتہ رات ہسپتال سے فرار ہوگیا، ملزم کی گرفتاری کے لیے چھاپوں کا سلسلہ جاری ہے، دونوں بھائی واقعے کی ایف آئی آر میں نامزد ہیں۔ پولیس حکام کا کہنا ہے کہ مقدمے میں قتل بالسبب، غفلت، لاپرواہی اور دیگر دفعات شامل ہیں، دھماکے کے نتیجے میں اب تک 6 افراد جاں بحق ہوچکے ہیں،  عمارت سے 4 افراد کی لاشیں ملیں 2 زخمی ہسپتال میں دم توڑ گئے تھے۔ جاں بحق افراد کی شناخت 16سالہ اسد، 40 سالہ نوید، 32 سالہ کاشف، 40 سالہ شہزاد علی کے نام سے ہوئی ہے، ایک شخص کی شناخت نہیں ہوسکی۔ خیال رہے کہ ایم اے جناح روڈ پر گزشتہ روز پٹاخوں کے گودام میں ہونے والے دھماکے کے بعد جائے وقوعہ پر شدید اشتعال پایا گیا اور آتشبازی کا سامان لے جانے والی گاڑی کو مشتعل عوام نے روک کر پتھراؤ کیا،…

بم ڈسپوزل یونٹ نے پٹاخوں کے گودام میں دھماکے کی ابتدائی رپورٹ تیار کر لی۔ رپورٹ کے مطابق دھماکے کے دوران 500 کلوگرام فائر ورکس کا سامان جل گیا جبکہ دھماکے کی آواز 5 سے 7 کلومیٹر تک سنی گئی۔ رپورٹ میں بتایا گیا ہے کہ دھماکے سے 100 میٹر کے دائرے میں تباہی پھیلی، عمارت میں اب بھی 3 گوداموں میں آتش بازی کا سامان موجود ہے جبکہ قریبی گراؤنڈ میں رکھے گئے 2 کنٹینرز میں بھی فائر ورکس محفوظ ہیں۔ رپورٹ کے مندرجات کے مطابق اس وقت مجموعی طور پر 5 ہزار کلوگرام آتش بازی کا سامان موجود ہے، ملزم حنیف مختلف شہروں اور بیرون ملک سے سامان منگواتا تھا اور اسی عمارت کے عقب میں آتشبازی کا سامان تیار بھی کرتا تھابم ڈسپوزل یونٹ کی رپورٹ میں سفارش کی گئی ہے کہ تمام آتش بازی کا سامان جلد از جلد کسی محفوظ مقام پر منتقل کر کے تلف کیا جائے تاکہ مزید حادثات سے بچا جا سکے۔

پینٹاگون کے ڈپٹی انٹیلی چیف جیفری کروزی کوایران کے جوہری پروگرام کے حوالے سے تبصرہ کرنا مہنگا پڑ گیا،انہیں عہدے سے برطرف کر دیا گیاہے۔پینٹاگون کے ڈپٹی انٹیلی چیف جیفری نے کہاتھاکہ ایران کے جوہری پروگرام کو خاطر خواہ نقصان نہیں پہنچاجس کی پاداش میں انہیں عہدے سے برطرف کردیاگیاہے۔اس برطرفی کے حوالے سے سینئر ڈیموکریٹ سینیٹرکاکہناہے کہ انتظامیہ انٹیلی جنس کو ملک کے بجائے اپنی وفاداری کا امتحان بنا رہی ہے.دوسری طرف ماہرین کاکہناہے کہ برطرفی وائٹ ہاؤس اورانٹیلی جنس اداروں کے درمیان جاری کشمکش کا نتیجہ ہے

ہنی ٹریپ کے مقدمے میں ضمانت کے بعد رہائی پانے والا ملزم، محمد ندیم جس کو کرپشن کی بنا پر محکمہ سول ڈیفنس سے فارغ کردیا گیا تھا جس پر تھانہ ہنجروال میں ہنی ٹریپ کا مقدمہ 2310/25درج ہے ضمانت پر رہائی پاکر محکمہ سول ڈیفنس کا انسپکٹر بن کر ایل پی جی ، منی پٹرول پمپ ، ڈبہ اسٹیشن اور پٹرول ایجنسیوں سے بھتہ وصول کرنے لگا اپنے واٹسایپ کی ڈی پی پر محکمہ سول ڈیفنس کی گاڑیوں کی تصاویر لگا کر خود کو انسپکٹر ظاہر کرکے دوکانداروں کو بلیک میل کرکے بھتہ وصول کرتا ہے جبکہ سول ڈیفنس افیسر لاہور کو اس نوسرباز کے بارے میں آگاہ کیا گیا اور ان کا موقف لینے کی کوشش کی گئی تو انہوں نے یہ کہہ کر بات ہی ختم کردی کہ ندیم کا محکمہ سول ڈیفنس کا کوئی تعلق نہیں سول ڈیفنس افیسر نے جعلی انسپکٹر ندیم کے خلاف کاروائی کرنے کی بجائے اپنی جان چھڑاتے ہوئے اس سےلاتعلقی کا اعلان کردیا تاکہ ندیم جیسے اور بھی جعلی انسپکٹر بن کر معصوم دوکانداروں کا خون چوستے رہیں