Category: خبریں

بھارتی شہر احمد آباد میں گر کر تباہ ہونے والے مسافر طیارہ حادثے میں مرنے والوں کی تعداد 274 ہوگئی ۔ بھارتی میڈیا کے مطابق طیارے کے گرنے کی جگہ سے ملبہ ہٹانے کی کوششیں جاری ہیں، ماہرینِ ہوا بازی نے خیال ظاہر کیا ہے کہ طیارے کے پروں میں بظاہر خرابی تھی، طیارے کا ایک بلیک باکس مل گیا جبکہ دوسرے کی تلاش جاری ہے۔  واضح رہے کہ بھارتی جہاز احمد آباد ایئرپورٹ سے اڑان بھرنے کے 30 سیکنڈ بعد گر گیا تھا، طیارہ دوپہر ایک بج کر 38 منٹ پر لندن کےلیے روانہ ہوا تھا کہ 1 منٹ بعد ہی پائلٹ نے مے ڈے کی کال دی دی گئی۔ بھارتی میڈیا رپورٹس کے مطابق 625 فٹ کی بلندی پرایئر ٹریفک کنٹرول سے جہاز کا رابطہ ٹوٹ گیا تھا۔ بھارتی میڈیا کے مطابق طیارہ میڈیکل کالج کے ہاسٹل کی عمارت سے جا ٹکرایا جس کے سبب متعدد طلبہ بھی ہلاک ہوئے

حملوں میں تل ابیب میں جوہری تحقیقاتی مرکز کو نشانہ بنایاگیا، فوجی ہیڈکوارٹر ملیامیٹ ،اسرائیل کا دفاعی نظام آئرن ڈوم ناکام حملوں میں تل ابیب میں جوہری تحقیقاتی مرکز کو نشانہ بنایاگیا، فوجی ہیڈکوارٹر ملیامیٹ ،اسرائیل کا دفاعی نظام آئرن ڈوم ناکامایران کا اسرائیل پر جوابی حملہ، میزائلوں کی بارش کردی، کئی عمارتیں مکمل تباہ، 4 اسرائیلی ہلاک، 60 سے زیادہ زخمی ہو گئے ۔   تفصیلات کے مطابق ایران نے پانچویں مرحلے میں اسرائیل پر میزائلوں کی بارش کر دی ،  پانچویں مرحلےمیں کئی میزائل داغے گئے ۔ تل ابیب میں اسرائیل کے جوہری تحقیقاتی مرکز کو نشانہ بنایاگیا۔ ایران کا اسرائیل کیخلاف وعدہ صادق سوم آپریشن جاری ہے۔ اسرائیل کے خلاف حملوں میں شدت۔رات بھر اسرائیل کے مختلف شہروں میں ایران میزائل برساتا رہا، ہر طرف سائرنز کی گونج۔ایرانی میزائل حملوں میں اسرائیلی فوجی ہیڈکوارٹر ملیامیٹ ہو گیا ۔ اسرائیلی وزارت دفاع کی عمارت کے قریب آگ بھڑک اٹھی۔ اسرائیل کا دفاعی نظام آئرن ڈوم ناکام، کئی عمارتیں مکمل تباہ، 4 اسرائیلی ہلاک، 60 سے زیادہ زخمی۔ تل ابیب میں اسرائیلی فوجی اڈے کونشانہ بنایاگیا۔ یروشلم اور مقبوضہ بیت المقدس میں بھی دھماکے سنے  گئے ۔بیلسٹک میزائل اسرائیلی وزارت دفاع کی عمارت سمیت متعدد مقامات پر گرے۔اسرائیلیوں کی بڑی…

پاکستان میں آئندہ مالی سال 2025 سے 2026 کے لیے وفاقی بجٹ پیش کیا گیا ہے جس کے حوالے سے اکثر لوگوں کا یہ سوال ہے کہ آیا اس میں عام آدمی کو کوئی ریلیف دیا گیا ہے یا پھر اسے اضافی بوجھ اٹھانا پڑے گا۔ ہم نے بجٹ تقریر کو مدنظر رکھتے ہوئے ایسے پانچ نکات کی نشاندہی کی ہے جنھیں پڑھ کر آپ یہ اندازہ لگا سکتے ہیں کہ اس بجٹ میں پاکستانیوں کے لیے کن مراعات اور کن اضافی ٹیکسز کی تجاویز دی گئی ہیں۔ انکم ٹیکس میں ریلیف مگر سیونگز اکاؤنٹس پر مزید ٹیکس وفاقی وزیر خزانہ نے تنخواہ دار طبقے کو ریلیف دینے کے لیے انکم ٹیکس کی بعض سلیبز میں نرمی کی تجویز دی ہے۔ قومی اسمبلی میں بجٹ تقریر کرتے ہوئے انھوں نے بتایا کہ: دریں اثنا پاکستان کے وزیرِ خزانہ نے اپنی بجٹ تقریر میں وفاقی حکومت کے ملازمین کی تنخواہوں میں 10 فیصد اضافے کے علاوہ ریٹائرڈ ملازمین کی پینشن میں سات فیصد اضافے کی تجویز دی ہے۔ مگر تنخواہ دار افراد نے اپنی بچت کے لیے بینکوں میں جو سیونگز اکاؤنٹس قائم کیے ہوئے ہیں، انھیں کچھ بوجھ ضرور اٹھانا پڑے گا۔

انڈیا کی ریاست گجرات کے شہر احمد آباد میں ایک مسافر طیارہ گِر کر تباہ ہو گیا ہے جس پر مسافروں اور عملے کے اراکین سمیت 242 افراد سوار تھے۔ انڈیا کی وزارت ہوا بازی کے مطابق طیارے سے ٹیک آف کے فوراً بعد مے ڈے کی کال موصول ہوئی مگر پھر خاموشی چھا گئی۔ ایئر انڈیا کی فلائٹ کے کریش کرنے کے چند گھنٹے بعد احمد آباد ایئر پورٹ پر پروازیں بحال

میں بذاتِ خود لگ بھگ نصف صدی سے سالانہ قومی بجٹ کا شاہد ہوں۔ بجٹ تقریر کے کچھ جملے آج تک نہیں بدلے۔ ہر وزیرِ خزانہ جس نے بھلے گذشتہ سال کا بجٹ بھی پیش کیا ہو، نئی بجٹ تقریر میں بھی یہ کہنا کبھی نہیں بھولتا کہ موجودہ بجٹ پچھلے کے برعکس زیادہ عوام دوست ہے، ہم پاکستان کے ہر قابلِ ٹیکس طبقے سے نئے مالی سال میں ٹیکس وصول کریں گے، تنخواہ دار طبقے پر ٹیکسوں کا بوجھ کم کرنے کے لیے اس بار متمول طبقات کو زیادہ بوجھ اٹھانا پڑے گا (اس سلسلے میں ضروری قانون سازی جاری ہے)۔ یا گذشتہ برس کے برعکس اس سال تعلیم اور صحت کے شعبوں کے لیے ریکارڈ رقم مختص کی گئی ہے (مگر تقریر میں یہ نہیں بتایا جاتا کہ سکول نہ جانے والے بچوں کی تعداد، علاج اور ادویات کی قیمتوں میں بھی ریکارڈ اضافہ ہوا ہے)۔ ہر وزیرِ خزانہ کے بقول زراعت ہماری معیشت کی ریڑھ کی ہڈی ہے۔ چنانچہ کھاد پر ڈیوٹی میں پانچ فیصد کمی البتہ کیڑے مار ادویات پر محصول کی شرح میں پانچ فیصد اضافہ کیا جا رہا ہے (یعنی ہم دائیں ہاتھ سے رعائیت دے کر بائیں ہاتھ سے واپس لے رہے ہیں)۔…

مہنگائی کا سالانہ اوسط ہدف 7.5 فیصداورمجموعی سرمایہ کاری کا ہدف 14.7 فیصد رکھنے کی تجویز: بجٹ دستاویز آئندہ مالی سال کے بجٹ میں معاشی شرح نموکا ہدف 4.2 فیصد مقررکرنے کی تجویزسامنے آگئی جبکہ زرعی شعبے کا ہدف 4.5 فیصد مقرر کرنے کی تجویز ہے۔ نئے مالی سال میں صنعتی شعبے کاہدف 4.3 اور خدمات کے شعبےکا ہدف 4 فیصد رکھنے کی تجویز ہے۔ بجٹ دستاویز کے مطابق آئندہ مالی سال کے لیےمہنگائی کا سالانہ اوسط ہدف 7.5 فیصداورمجموعی سرمایہ کاری کا ہدف 14.7 فیصد رکھنے کی تجویزہے۔ دستاویز کے مطابق فکسڈ انویسٹمنٹ کے لیے نئے مالی سال میں 13 فیصد کا ہدف،پبلک بشمول جنرل گورنمنٹ انویسٹمنٹ3.2 اور پرائیویٹ انویسٹمنٹ کا ہدف9.8 فیصدکی تجویزہے۔ دستاویزکے مطابق نیشنل سیونگز کا ہدف14.3فیصد، اہم فصلوں کا ہدف 6.7 فیصد،دیگرفصلوں کا ہدف 3.5 فیصد، کاٹن جننگ 7،لائیو اسٹاک 4.2 اور جنگلات کا ہدف 3.5 فیصدرکھنے کی تجویزہے۔ آئندہ مالی سال کے لیے فشنگ کا ہدف 3 فیصد، مینوفیکچرنگ کا ہدف 4.7 فیصد،لارج سکیل 3.5،سمال سکیل 8.9 اور سلاٹرنگ کا ہدف 4.3 فیصدرکھنے کی تجویزہے۔ آئندہ مالی سال میں بجلی،گیس اورواٹر سپلائی کےلیے3.5فیصد،تعمیراتی شعبے کا ہدف 3.8 فیصد، ہول سیل اینڈ ریٹیل ٹریڈ کا ہدف3.9 فیصد،ٹرانسپورٹ، سٹورریج اینڈ کمیونیکیشنز کا ہدف 3.4 فیصد ،انفارمیشن…

پنجاب میں نان رجسٹرڈ ریسٹورنٹ اور شادی ہالوں کی رجسٹریشن کا فیصلہ کرلیا گیا۔ وزیراعلی پنجاب مریم نواز نےخصوصی اجلاس میں ریسٹورنٹ اورشادی ہالوں کی رجسٹریشن کی منظوری دی،صوبےبھرمیں واقع چھوٹے بڑے ریسٹورنٹ اور شادی ہالوں کی رجسٹریشن کیلئے اقدامات کی ہدایت اور ٹیکس بڑھانے کی تمام تجاویز مسترد کردیں۔ وزیراعلی پنجاب نےمتعلقہ اداروں کوہدایت دیتےہوئےکہا ٹیکس نہیں ٹیکس نیٹ ورک بڑھائیں،ٹیکس بڑھا کرعوام پربلاوجہ بوجھ ڈالنےکی اجازت نہیں دی جائیگی،رجسٹریشن کرانیوالےکو سزاملےاورٹیکس چوری کر نیوالےمزےکریں یہ نہیں ہوگا،عام آدمی پرمالی بوجھ نہیں ڈالناچاہتے، دولاکھ روپے تنخواہ لینےوالاٹیکس دیتا اور کروڑوں آمدن والا ٹیکس نہیں دیتا۔ اس کے علاوہ اجلاس میں پنجاب ریونیو اتھارٹی،مائنز اینڈمنرل اور دیگر محکموں کو ریونیو کے نئے مواقع دریافت کرنےکا بھی حکم دیا۔

نئے بجٹ میں 2 ہزار ارب روپے کے نئے ٹیکسز عائد کیے جانے کا امکان ہے جب کہ یوٹیوبرز اور فری لانسرز کو بھی ٹیکس نیٹ میں شامل کیے جانے کی تجویز ہے۔ ذرائع کے مطابق نئے مالی سال کے بجٹ میں 2 ہزار ارب روپے کے نئے ٹیکس عائد کیے جانے کا امکان ہے دوسری طرف تمام شعبوں میں دیا گیا ٹیکس استثنا ختم کرنے کی تجویز بھی زیر غور ہے۔ گریڈ ایک  تا 16 کے سرکاری ملازمین کو 30 فیصد ڈسپیرٹی الاؤنس دینے اور پنشنرز کے لیے بھی 10 فیصد اضافے کی تجویز بجٹ میں شامل ہے۔  پنشن کی مد میں 1 ہزار 55 ارب روپے مختص کیے جانے کا امکان ہے۔ یوٹیوبرز، فری لانسرز اور نان فائلرز کے لیے ٹیکس اقدامات متعارف کرانے کی تجویز ہے۔ ریٹیلرز پر ٹیکس وصولی کو بھی مزید سخت کرنے کا فیصلہ کیا گیا ہے۔ نان فائلرز پر جی ایس ٹی 20 فیصد کیے جانے اور بینک سے 50 ہزار روپے سے زیادہ کیش نکلوانے پر ٹیکس کی شرح 0.6 فیصد سے بڑھا کر 1.2 فیصد کیے جانے کی تجویز دی گئی ہے۔ ذرائع کا کہنا ہے کہ بجٹ کی تیاری کے دوران آئی ایم ایف کے ساتھ ہونے والے مذاکرات کو…

بنگلہ دیش کرکٹ ٹیم نے پاکستان کے خلاف اپنا 13 سال پرانا ٹی ٹونٹی ریکارڈ توڑ دیا۔ بنگلہ دیش نے اتوار کو قذافی سٹیڈیم لاہور میں پاکستان کے خلاف کھیلے گئے تیسرے اور آخری ٹی ٹونٹی میچ میں تاریخی کارنامہ انجام دیتے ہوئے گرین شرٹس کے خلاف اپنا سب سے بڑا ٹی ٹونٹی سکور بنا ڈالا۔ لٹن داس کی قیادت میں بنگال ٹائیگرز نے 20 اوورز میں 6 وکٹوں کے نقصان پر 196 رنز بنائےجو کہ پاکستان کے خلاف ٹی ٹونٹی انٹرنیشنل میچ میں بنگلہ دیش کا سب سے بڑا سکور ہے۔ تیسرے ٹی ٹونٹی میں بنگلہ دیش کی جانب سے پرویزحسین نے 66 اور تنزید حسن نے 42 رنز کی اننگز کھیلی۔ اس سے قبل بنگلہ دیش نے 2012 میں پالی کیلے میں پاکستان کے خلاف 6 وکٹوں پر 175 رنز بنائے تھے۔  واضح رہے کہ 3 ٹی 20 میچوں کی سیریز کے آخری میچ میں پاکستان نے بنگلہ دیش کو 7 وکٹ سے ہرا کر کلین سویپ کردیا۔ پاکستان نےبنگلہ دیش کا 197 رنز کا ہدف 18ویں اوور میں3 وکٹوں کے نقصان پر پورا کردیا۔  محمد حارث 107 رنز بناکر ناقابل شکست رہے جبکہ صائم ایوب نے 45 رنز بنائے ۔

مغربی ہوائیں آج ملک میں داخل ہوں گی، محکمہ موسمیات نے آج سے مختلف علاقوں میں بارش اور ژالہ باری کی پیشگوئی کر دی۔ محکمہ موسمیات کے مطابق ملک کے بیشتر علاقوں میں موسم گرم اور خشک جبکہ میدانی علاقوں میں شدید گرم رہنے کا امکان ہے،بالائی خیبرپختونخوا، شمال مشرقی پنجاب، خطہ پوٹھوہار، گلگت بلتستان اور کشمیر میں مطلع جزوی ابر آلود رہنے کے علاوہ چند مقامات پر تیز ہواؤں اور گرج چمک کے ساتھ بارش کا امکان ہے۔ موقر قومی اخبار کی رپورٹ کے مطابق محکمہ موسمیات نے ملک کے مختلف شہروں میں آج سے 9 جون تک گرج چمک کے ساتھ بارش کی خوشخبری سنائی ہے، نم آلود ہوائیں ملک کے شمال مشرقی حصوں میں داخل ہوں گی، مغربی ہواؤں کا سلسلہ آج ملک کے بالائی علاقوں میں داخل ہونے کا امکان ہے۔ آج شام سے اسلام آباد، راولپنڈی، اٹک، چکوال، جہلم، میانوالی میں وقفہ وقفہ سے بارش اور ژالہ باری کا امکان ظاہر کیا گیا ہے، سرگودھا، حافظ آباد، گوجرانوالہ، گجرات، سیالکوٹ، نارووال، لاہور میں بھی بارش اور ژالہ باری کی توقع ہے۔ 5 جون تک مری، گلیات، کشمیر، گلگت بلتستان اور چترال میں گرج چمک کے ساتھ بارش کا امکان ہے، اس دوران دیر، سوات، مالاکنڈ،…