369News

Facebook Twitter Youtube
Menu

Month: May 2025

سانحہ بارہ مئی کو 18 سال مکمل، مرنے والوں کے ورثا انصاف کے منتظر، وکلا کا آج یوم سیاہ

سانحہ 12 مئی 2007 کو آج 18 برس مکمل ہوگئے، لیکن شہر کو خون میں نہلانے والوں کا تعین آج تک نہیں ہوسکا، 12 مئی 2007 کو کراچی میں دہشت گردی کے واقعات میں 50 سے زائد شہری جاں بحق ہوئے تھے، جن کے اہل خانہ کو آج تک انصاف نہیں مل سکا، سندھ ہائی کورٹ اور کراچی بار ایسوسی ایشنز کے مطابق وکلا آج یوم سیاہ منا رہے ہیں۔ ڈان نیوز کے مطابق 12 مئی 2007 وہ دن تھا، جب ملک کے معزول چیف جسٹس افتخار محمد چوہدری کو سندھ ہائی کورٹ میں وکلا سے خطاب کرنا تھا، اس دن کراچی آمد کے موقع پر شہر قائد میں جلاؤ گھیراؤ اور فائرنگ کے پے درپے واقعات پیش آئے، جن کے نتیجے میں 50 سے زائد معصوم شہری اپنی جانیں گنوا بیٹھے تھے۔ ایئرپورٹ تھانے میں درج 7 مقدمات میں 18 سے زائد ملزمان گرفتارہوئے، ان 7 مقدمات میں ایک مقدمے کا فیصلہ ہوا، جس میں ملزمان کو بری کردیا گیا جب کہ 6 مقدمات انسداد دہشت گردی کی عدالتوں میں اب بھی زیر سماعت ہیں۔ علاوہ ازیں سندھ ہائی کورٹ بار اور کراچی بار ایسوسی ایشن نے آج یوم سیاہ منانے کا اعلان کیا ہے، اعلامیے کے مطابق یوم…

فلائٹ آپریشن میں بہتری آنا شروع ہوگئی، غیر ملکی ایئرلائنز نے بھی آپریشن شروع کر دیا

پاک بھارت جنگ بندی کے اعلان کے بعد بحال کیے گئے فلائٹ آپریشن میں بیک لاگ کی وجہ سے منسوخ اور تاخیر کا شکار ہونے والی فلائٹس کی صورت حال بہتر ہونا شروع ہوگئی ہے۔ ڈان نیوز کے مطابق فلائٹ شیڈول میں بہتری آنا شروع ہوگئی ہے، 12 غیرملکی ایئر لائنز نے بھی پروازیں بحال کر دیں، فلائٹ شیڈول کے مطابق مخلتف ایئرپورٹس سے پروازوں کی منسوخی کم ہوکر 50 رہ گئی ہے، جو گزشتہ روز 150 تک جا پہنچی تھی۔ پاکستان ایوی ایشن اتھارٹی ( پی اے اے) کے ذرائع کے مطابق حج پروازوں کو معمول پر لانے کے لیے کوششیں جاری ہیں۔ آج اسلام آباد سے محض 23 ، لاہور سے 14 اور کراچی سے 15 پروازیں منسوخ کی گئی ہیں۔ پشاور کی 4 ، سیالکوٹ 2 اور فیصل آباد کی ایک پرواز منسوخ کی گئی ہے، جبکہ آپریشنل وجوہات کے باعث سیالکوٹ ایئرپورٹ کی شارجہ دمام اور کویت سے 3 پروازیں لاہور منتقل کی گئی ہیں۔ واضح رہے کہ گزشتہ ہفتے پاک بھارت کشیدگی کی وجہ سے بار بار فضائی آپریشن معطل اور بحال کیا جاتا رہا، پاکستان ایوی ایشن اتھارٹی (پی اے اے) کی جانب سے وقتاً فوقتاً نوٹم جاری کیے گئے تھے، جس کی وجہ…

بِل گیٹس کا اپنی 99 فیصد دولت عطیہ کرنے کا منصوبہ: ’نہیں چاہتا کہ جب مروں تو لوگ کہیں کہ اس کے پاس کافی دولت تھی‘

مائیکرو سافٹ کے بانی بل گیٹس نے کہا کہ وہ اگلے 20 برسوں میں اپنی دولت کا 99 فیصد حصہ عطیہ کرنے کا ارادہ رکھتے ہیں۔ بِل گیٹس نے کہا ہے کہ وہ اپنی فاؤنڈیشن، بِل گیٹس فاؤنڈیشن، کے آپریشنز سنہ 2045 تک ختم کرنے کا منصوبہ رکھتے ہیں اور اس دورانیے میں وہ اپنی فاؤنڈیشن کے ذریعے اپنی دولت عطیہ کرنے کے عمل میں تیزی لائیں گے۔ انھوں نے اپنی ایک حالیہ بلاگ پوسٹ میں لکھا کہ ‘جب میں مر جاؤں گا تو لوگ میرے بارے میں بہت سی باتیں کہیں گے، لیکن میں چاہتا ہوں کہ ان باتوں میں یہ بات نہ ہو کہ ‘وہ (بِل گیٹس) جب مرا تو اُس کے پاس کافی دولت تھی۔’ 69 سالہ بِل گیٹس نے کہا کہ اُن کی فاؤنڈیشن صحت اور ترقیاتی منصوبوں کی مد میں پہلے ہی 100 ارب ڈالر خرچ کر چکی ہے اور وہ یہ توقع کرتے ہیں کہ اگلے 20 برسوں میں اُن کی فاؤنڈیشن مزید 200 ارب ڈالر خرچ کرے گی۔ اپنی اس بلاگ پوسٹ میں بِل گیٹس نے اینڈریو کارنیگی کے سنہ 1889 کے ایک مضمون کا حوالہ دیا جس کا عنوان تھا ‘دی گاسپیل آف ویلتھ’۔اس مضمون میں اس بات پر زور دیا گیا…

پاکستان اور انڈیا کی فوجی طاقت کا موازنہ: لاکھوں کی فوج سے جدید طیاروں، بیلسٹک میزائلوں اور ڈرونز تک

انڈیا کے زیرِِانتظام کشمیر کے علاقے پہلگام میں سیاحوں پر ہلاکت خیز حملے کے بعد انڈیا اور پاکستان کے مابین کشیدگی اپنے عروج پر ہے اور گذشتہ رات بھی دونوں ممالک نے ایک دوسرے پر میزائل اور ڈرون حملوں کے الزامات عائد کیے۔ پاکستان نے انڈین حملوں کے جواب میں ’بنیان مرصوص‘ کے نام سے فوجی آپریشن کا آغاز کر دیا ہے۔ اس سے قبل چھ مئی (منگل) کی شب انڈیا نے آپریشن ’سندور‘ کے آغاز کا اعلان کرتے ہوئے پاکستان اور اس کے زیر انتظام کشمیر میں چھ مقامات پر میزائل حملے کیے۔ پاکستان اور انڈیا ماضی میں تین جنگیں لڑ چکے ہیں۔ آخری مرتبہ سنہ 1971 میں لڑی جانے والی جنگ کے نتیجے میں پاکستان کو اپنا ایک حصہ کھونا پڑا اور بنگلہ دیش وجود میں آیا تھا۔ محدود پیمانے پر ایک چوتھی جنگ سنہ 1999 میں کارگل کے مقام پر بھی لڑی گئی جس میں پہلی مرتبہ دونوں ہمسایہ ممالک کے درمیان ایٹمی جنگ کے خدشات بھی کھل کر سامنے آئے۔ دنیا میں ہتھیاروں اور عسکری طاقت پر نظر رکھنے والی ویب سائٹ گلوبل فائر پاور کے مطابق 2025 میں دنیا کی سب سے طاقتور عسکری قوتوں میں امریکہ، روس اور چین کے بعد انڈیا کا نمبر…

’میٹ گالا‘ میں پنجاب کی انٹری: دلجیت دوسانجھ کو اپنے انداز سے متاثر کرنے والے مہاراجہ بھوپندر سنگھ کون تھے؟

’پنجابی آ گئے اوئے، لگ گئی نہ آگ۔۔۔‘ انسٹاگرام پر انڈین گلوکار اور اداکار دلجیت دوسانجھ کی تصاویر پر یہ تبصرہ پڑھ کر آپ کو شاید یہ لگے کہ اُن کا کوئی نیا پنجابی گانا یا فلم آ گئی ہے لیکن یہ سب تبصرے دراصل فیشن کی سب سے بڑی تقاریب میں سے ایک یعنی ’میٹ گالا‘ میں دلجیت کے لباس اور انداز کے بارے میں کیے جا رہے ہیں۔ انڈیا سے میٹ گالا میں اپنا ڈیبیو کرنے والی ایک شخصیت دلجیت دوسانجھ بھی ہیں، جو اپنے پنجابی گانوں کی وجہ سے انڈیا اور پاکستان میں خاصے مشہور ہیں۔ سوشل میڈیا پر جیسے ہی دلجیت دوسانجھ کی میٹ گالا کی تصاویر سامنے آئیں تو ان کے فینز نے انھیں پوری پنجابی کمیونٹی کے لیے باعث فخر قرار دیا اور اس کی وجہ یہ ہے کہ میٹ گالا میں بھی دلجیت دوسانجھ نے اپنی پنجابی میراث کو نہیں چھوڑا نہیں بلکہ وہ پٹیالہ کے مہاراجہ بھوپندر سنگھ سے متاثر کن لباس پہن کر اس تقریب میں شریک ہوئے۔ ان کے چوغے پر سنہری رنگ کی کڑھائی سے پنجاب کا نقشہ بنا ہوا تھا جبکہ پنجابی زبان کے کچھ حروف تہجی بھی درج تھے۔ اس کے علاوہ انھوں نے سر پر پگڑی پہن…

آپریشن بنیان مرصوص؛ پاک فوج نے بھارت پر قہر ڈھا دیا؛ دشمن کا غرور خاک، کئی ایئربیسز، ایئرڈیفنس اور بریگیڈ ہیڈکوارٹر تباہ

بھارت کے جنگی جنون کو خاک میں ملانے کا وقت آگیا، پاکستان نے بھارت کے خلاف آپریشن بنیان مرصوص کے نتیجے میں تین بھارتی ایئربیسز سمیت کئی ایئر فیلڈز تباہ کر دیں۔ سیکیورٹی ذرائع کے مطابق پاکستان نے بھارتی جارحیت کے جواب میں مؤثر اور بھرپور جوابی کارروائی کا آغاز کرتے ہوئے آپریشن بُنْيَانٌ مَّرْصُوْصٌ کا آغاز کر دیا، پاکستان نے بیاس کے علاقے میں براہموس اسٹوریج سائٹ اور بھارتی ایئر بیس ادھم پور اور پٹھان کوٹ ایئر بیس اور آدم پور ایئر بیس کے علاوہ بھارتی بریگیڈ ہیڈکوارٹر کے جی ٹاپ کو بھی تباہ کر دیا۔ سیکیورٹی ذرائع کے مطابق اس وقت پاک افواج کی جوابی کارروائی جاری ہے اور بھارت میں متعدد اہداف کو کامیابی سے نشانہ بنایا جا رہا ہے۔ پاکستان نے بیاس میں براہموس کی سٹوریج جہاں سے پاکستان پر میزائل داغے گئے تھے کو تباہ کر دیا گیا ہے۔ آپریشن بُنْيَانٌ مَّرْصُوْص کے نتیجے میں پاکستان ایئر فورس کے جے ایف 17 تھنڈر کے ہائپر سونک میزائلوں نے آدم پور میں بھارت کا S-400 سسٹم تباہ کر دیا، S -400 ایئر ڈیفنس سسٹم کی مالیت لگ بھگ 1.5 بلین ڈالر ہے۔اس کے علاوہ بھارتی بریگیڈ ہیڈکوارٹر کے جی ٹاپ کو بھی تباہ کر دیا گیا…

بھارتی فضائیہ میں بڑی تعداد میں پائلٹس کی ہلاکتیںپاکستان نے اب تک 77 بھارتی ڈرون مار گرائے: سرکاری میڈیابھارتی فضائیہ میں بڑی تعداد میں پائلٹس کی ہلاکتیں

بھارت نے 7 مئی کی صبح پاکستان بھر میں ’آپریشن سندھ‘ کے تحت حملوں کا سلسلہ شروع کیا۔ڈی جی آئی ایس پی آر نے کہا کہ چھ علاقوں میں مختلف ہتھیاروں کے ساتھ 24 اثرات رپورٹ ہوئے۔ 31 پاکستانی شہری جاں بحق، 57 زخمیپاکستان کی فوج نے فوری جواب دیا۔ 5 بھارتی جیٹ طیارے مار گرائے، لائن آف کنٹرول پر بھارتی بریگیڈ ہیڈ کوارٹر اور چیک پوسٹیں تباہڈی جی آئی ایس پی آر نے بتایا کہ 7 اور 8 مئی کی درمیانی رات سے 25 بھارتی ڈرون مار گرائے۔ 1 شہری ہلاک، 1 زخمی؛ 4 فوجی اہلکار زخمیپی اے اے کا کہنا ہے کہ کراچی ایئرپورٹ پر فلائٹ آپریشن فوری طور پر بحال کر دیا گیا۔پہلگام سانحے کے بعد اسلام آباد کی جانب سے آنے والے بھارتی فوجی حملے کی مسلسل انتباہ کے بعد کشیدگی میں اضافہ ہواکسی بھارتی طیارے کو پاکستان میں داخلے کی اجازت نہیں دی گئی، ڈی جی آئی ایس پی آرکسی بھارتی طیارے کو پاکستان میں داخلے کی اجازت نہیں دی گئی، ڈی جی آئی ایس پی آر

ظہیر الدین بابر

ظہیر الدین بابر کے بارے میں پڑھا تھا اسے ایک بار جسم پر خارش ہوگئی، خارش اتنی شدید تھی کہ اگر کوئی کپڑا اس کے جسم سے چھو بھی جاتا تھا تو اس کے منہ سے چیخ نکل جاتی تھی، اس کے مخالف شیبانی خان کو پتا چلا تو وہ عیادت کے بہانے اس کی تکلیف انجوائے کرنے کے لیے آ گیا، بابر کو اطلاع ہوئی تو اس نے سر سے لے کر پائوں تک شاہی لباس پہنا، سر پر تاج رکھا اور دربار میں آ کر اس کے سامنے بیٹھ گیا۔ شیبانی خان سارا دن اس کے ساتھ بیٹھا رہا، اس نے کھانا بھی اس کے ساتھ کھایا لیکن بابر نے اپنی تکلیف اپنے چہرے اور آواز تک نہیں آنے دی یہاں تک کہ آخر میں شیبانی خان مایوس ہو کر چلا گیا، مہمان جوں ہی محل سے نکلا، بابر نے فوری طور پر اپنا سارا لباس اتار کر پھینک دیا، پورے دربار نے دیکھا، اس کا پورا جسم سرخ تھا اور اس پر بڑے بڑے آبلے بن چکے تھے اور وہ سارا دن انھیں برداشت کرتا رہا تھا۔ میری زندگی کا نچوڑ ہے دنیا کو ہمارے دکھوں اور تکلیفوں سے کوئی فرق نہیں پڑتا لہٰذا ہمیں چاہیے ہم…

حملہ

دیر ہے اندھیر نہیں۔۔۔پاکستان نے بھارت کے 5 رافیل طیارے گرائے ہیں یا 3 ۔اس بحث میں وقت ضائع کرنے سے حاصل تو کچھ نہیں ہونے والا کیونکہ طیارے تو بہرحال گرائے ہیں اور اِس کی تصدیق طیارہ ساز کمپنی نے بھی کردی ہے۔اب اگر کسی کی یہ خواہش ہے کہ مودی بذات خود اعتراف کرے کہ اُس کے رافیل مثلِ فیلِ پورس ثابت ہوئے ہیں تو اگلے چند دنوں میں تو شاید یہ ممکن نہیں ہے۔ البتہ جب وہ گرفتار ہو کر پاکستانی حکام کے سامنے آجائے گا تو یقینا رافیل خریدنے کی غلطی بھی تسلیم کرے گا اور جنگ چھیڑنے کی غلطی بھی مانے گا۔یہ الگ بات ہے کہ اُس وقت اعترافِ گناہ کی ضرورت ہو گی اور نہ ہی اِس کا کوئی فائدہ ہوگا۔بہرحال پاکستانیوں کی تسلی کے لئے وہ ایسا ضرور کرے گا کہ شاید کسی بیسٹ فرینڈ کا دل پسیج ہی جائے۔بیسٹ فرینڈ کا دل پسیجتا ہے یا نہیں ،ہمیں اِس سے کوئی فرق بھی نہیں پڑتا۔اِس میں شک نہیں ہے کہ خیر خواہانِ مودی وبھارت ہمارے ہاں موجود ہیں جنہیں مودی کے دشمنوں کی ہر حرکت پر اعتراض ہوتا ہے۔بہرحال پاکستان اور پاکستانیوں کے لئے اچھی بات یہ ہے کہ بھارت کا صرف ایک…

مودی سرکار پر پاک فوج کا خوف؛ بھارت کے درجنوں ایئرپورٹس کئی دن کیلیے بند

پاکستان کے بھرپور اور مؤثر جوابی حملے کے بعد بھارت میں ہلچل مچ گئی ہے اور  پاک فوج کا خوف اس قدر بڑھ گیا ہے کہ مودی سرکار کو ملک بھر میں 32 ایئرپورٹس بند کرنے پڑ گئے۔ ذرائع کے مطابق بھارتی فضائی دفاع کو پاکستان کے آپریشن بنیان مرصوص شروع ہونے کے بعد سنگین خطرات کا سامنا ہے، جس کے بعد فوری طور پر فیصلہ کیا گیا کہ 15 مئی تک درجنوں ایئرپورٹس مکمل طور پر بند رہیں گے۔ بھارتی حکام نے آدم پور، امبالا، امرتسر، اوانتی پور اور بھوج ایئرپورٹس پر تمام فلائٹ آپریشن معطل کر دیے اور یہی نہیں بلکہ بھٹنڈا، بیکانیر، چندی گڑھ اور ہلواڑا جیسے اہم ہوائی اڈے بھی 15 مئی تک کمرشل پروازوں کے لیے بند کر دیے گئے ہیں۔ صورتحال کی سنگینی کا اندازہ اس بات سے لگایا جا سکتا ہے کہ ہندن، جام نگر، جیسلمیر، جودھپور اور کانڈلا جیسے دفاعی لحاظ سے اہم اڈے بھی مکمل سیل کر دیے گئے ہیں۔ اُدھر شمالی بھارت میں خوف کی فضا ہے۔ کانگرا، کیشوڑ، کشن گڑھ، بھونتار، لدھیانہ، لیہہ اور مندرا ایئرپورٹس بھی پروازوں کے لیے بند کر دیے گئے ہیں   جب کہ بھارتی شہریوں کی بڑی تعداد نے پروازوں کی معطلی پر شدید تشویش…